مەلا عوسمان تەیفور ئەندامی إتحاد العلماء لە میانەی بەشداری لە بەرنامەی مەولود لە باتمان وتی، "بەرخۆدانی مومینەکان و مسوڵمانان لە فەلەستین لە ژیاننامەی موحەممەدییەوە ئیلهام وەرگرتووە. لە بەرامبەر دڕندەترین و زاڵمترین و بکوژترینەکانی مرۆڤایەتیدا بەرخۆدانێکی موحەممەدی نیشان دەدەن."

بەرنامەی مەولودی پێغەمبەر کە لە لایەن وەقفی ئەڤیندارێن پێغەمبەر لە باتمان رێکخرابوو بە بەشداری هەزاران کەس بەڕێوەچوو.

مەلا عوسمان تەیفور ئەندامی إتحاد العلماء لە میانەی بەشداری لە بەرنامەکە تارێکی پێشکەش کرد و ئاماژەی بەوە کرد کە خودا لە هەموو قۆناغێکدا پێغەمبەرانی بۆ مرۆڤایەتی ناردووە و کردوویەتی بە ڕێنوێنی بۆ ڕێگای ڕاست لە پێناو نەهێشتنی ستەم و تاریکی و شیرک و بۆ ئەوەی دادپەروەری و برایەتی و یەکگرتوویی لە دونیادا حاکیم بێت.

مەلا عوسمان وتی، "هەندێک کەس بەدوایدا ڕۆیشتن و هەندێک کەس دژایەتیان کرد. دوژمنانی خوای گەورە دوژمنایەتیان کرد بەرامبەری. هەوڵیان دا لە ڕێبازەکەی دوور بخەنەوە و هاوەڵەکانی لێی نامۆ بکەن. سەرەتا بوختانیان دەکرد، پاشان دەستیان کرد بە دڕندەیی و ئەشکەنجەدان. گەمارۆیان بۆ دانا. بەڵام سەبر و خۆڕاگری نیشان دا، لە ڕێبازەکەی دەستبەرداری نەبوو و درێژە بە موجادەلەی خۆی دا."

"هاوەڵانی پێغەمبەر سەرەڕای ئەو هەموو ئەشکەنجەیە خۆڕاگریان کرد"

تەیفور ئاماژەی بەوە کرد کە بە بێ بەرخۆدان هیچ کەس لە ئاماجەکەی سەرکەوتوو نابێت و وتی، "هاوەڵانی پێغەمبەر سەرەڕای ئەو هەموو ئەشکەنجەیە خۆڕاگریان کرد. سەبریان نیشان دا. بەرخۆدانی بیلال بەهۆی کاریگەری موحەممەد موستەفا بوو. بەرخۆدانی خەباب بەرخۆدانێکی موحەممەدی بوو. خەباب بن ئەرەت بۆ ماوەیەکی زۆر ئەشکەنجە درا. هاتە لای پێغەمبەری خوا و بارودۆخی خۆی بۆ ڕوون کردەوە و گلەیی لە بارەکەی کرد. پێغەمبەری خوا ئامۆژگاری خەبابی کرد کە سەبر بگرێت و وەڵامی دایەوە ئەی خەباب! ئیماندارانی پێشوو فڕێدرانە ناو چاڵ و پارچە پارچە دەکران. بەڵام دەستبەرداری دۆزی خۆیان و بیروباوەڕەکانیان نەبوون. تۆ پەلە دەکەیت. خوای گەورە ئەم دۆزە لە سەنعا تا حەدرەمەوت حاکیم دەکات. کاتێک کاروانێک بۆ سەفەرێک دەڕوات، جگە لە خودا و ترسی گورگەکان هیچی تر ناترسێت. ئایا پێت وایە کە دەتوانیت بچیتە بەهەشتەوە مەگەر ئەوەی بەسەر ئەوانەی پێش تۆدا هاتووە بەسەرتدا بێت؟’ بۆیە بەرخۆدان و خەبات و جیهاد لەسەر ئەم ڕێگایە هەیە. مرۆڤەکان بەمانە ئامانجەکانیان دەگەن."

"ئەگەر خۆڕاگری بکەین جارێکی تر دادپەروەری و بەختەوەری لەم سەردەمە تاریکەدا حاکیم دەکەین"

مەلا عوسمان تەیفور لە بەردەوامی وتی، "پێغەمبەرمان شمشێری دادپەروەریشی لەبەردا بوو. موداجەلەی کرد. سەبر و خۆڕاگری و جیهاد پشتی موشریکەکانی ئەبوجەهلەکانی شکاندووە. ئیسلام؛ دادپەروەری و برایەتی و بەختەوەری لە جیهاندا حاکیم کرد. ئەمڕۆ تەنها یەک ڕێگای ڕزگاری لەبەردەمماندایە. ئەگەر ڕێبازی موحەممەد موستەفا پەیڕەو بکەین، ئەگەر سەبر بگرین، ئەگەر خۆڕاگری بکەین، ئەگەر موجادەلە بکەین و جیهاد بکەین، جارێکی تر دادپەروەری و ئیمان و دڵخۆشی و برایەتی لەم سەردەمە تاریکەدا حاکیم دەکەین. هەر بۆیە خوای گەورە فەرمانمان پێدەکات، 'ئەی گەلی خاوەن باوەڕان! خۆڕاگر بن، لە خۆڕاگریشا هەر لە پێشەوە بن. بۆ پاراستنی سنوورگەل هەمیشە ساز و تەیار بن. لە خواش ترسوو هەبێ، بەشکەم ڕزگار ببن." پاراستنی پەیوەندی ڕزگاربوون؛ لە بەرخۆدان و موجادەلەی ئیسلامیدایە. ڕزگاربوون لە بەرخۆدانی موحەممەدیانەدایە. لەم مێژووە تاریکەدا مومینەکان تەنها بە یارمەتی و بەرخۆدانی خودا ڕزگاریان دەبێت."

"بەرخۆدانی مومینەکان و مسوڵمانان لە فەلەستین لە ژیاننامەی موحەممەدییەوە ئیلهام وەرگرتووە"

مەلا عوسمان تەیفور لە بەردەوامی ئاماژەی بە بەرخۆدانی غەززە و گەلی فەلەستین کرد و وتی، "بەرخۆدانی مومینەکان و مسوڵمانانی ئەمڕۆ لە فەلەستین لە ژیاننامەی موحەممەدییەوە ئیلهام وەرگرتووە. لە بەرامبەر دڕندەترین و زاڵمترین و بکوژترینەکانی مرۆڤایەتیدا بەرخۆدانێکی موحەممەدی نیشان دەدەن. ئەمڕۆ لە فەلەستین جارێکی تر بەرخۆدانێکی موحەممەدی وەک خەباب و بیلال و موسعەب و هەزاران هاوەڵانی پێغەمبەری خوا لە گۆڕەپانەکانی نیشان دەدەن. هەموو شتێک کە هەیانە لەیەکتر دەدڕێن و لەناو دەچن. ڕووبەڕووی سەرما و باران و بەفر و برسێتی و تینوێتی دەبنەوە و لەگەڵ ئەوەشدا بەردەوام دەبن لە خۆڕاگری. ماڵ و خێمەکانیان وێران دەکرێن، بەڵام هێشتا بەرخۆدانی موحەممەدییان گەورە دەکەن. ئەی براکانم! لێرە کۆبوویتەوە بەڵام فەلەستینییەکان، موسڵمانانی غەززە، ژن، پیاو، منداڵ، لەم سارد و بێ ماڵ و بێ خێوەت و بێ جل و بەرگ و برسی و بە جەستەی بریندارەوە درێژە بە ژیانی خۆیان دەدەن."

تەیفور ئاماژەی بەوە کرد کە هێزە خراپەکان و ئیمپریالیستەکان و ستەمکارانی جیهان؛ کە زایۆنیستەکان پارێزەری ئەوانن و مسوڵمانان کۆمەڵکوژ دەکەن بەڵام لە بەرامبەر ئەمەدا فەلەستینییەکان پەنایان بۆ خوا بردووە و دەڵێن، "حسبنا الله و نعم الوکیل."

"فەرمان بە سەربازەکانتان و گەلەکەتان بکەن کە دژی ئەم ستەمکارییە بوەستن"

مەلا عوسمان تەیفور لە کۆتاییدا وتی، "برایانم پێویستە وانەی گەورە لەم بەرخۆدانەی فەلەستین وەربگرین. پێویستە بە هەموو تواناکانمان لەگەڵیان بین. ئەمڕۆ مرۆڤایەتی و روومەتی مرۆڤایەتی لە فەلەستین، لە غەززە دەکوژرێت. بەڵام ئێمە، هەموو جیهان، چاودێری ئەوە دەکەین کە چی ڕوودەدات. بۆیە ئەی خاوەن دەوڵەتەکان، ئەی خاوەن سوپا و چەک، ئەی خەڵکی بە ویژدان و گەورەکان، ئەی ئەوانەی خۆیان بە مسوڵمان ناودەبەن! سەیری ئەم دڕندەییە مەکەن، تەماشای ئەم کۆمەڵکوژی و جینۆسایدە مەکەن. ئەگەر پیاو و ئازا بن، ئەگەر سوپا و سەربازتان هەیە، ئەگەر بڵێن ئیرادەتان هەیە، هەڵوێستان هەبێت. فەرمان بە سەربازەکانتان و گەلەکەتان بکەن کە دژی ئەم زوڵمە بوەستن. ئەگەر بێدەنگ بن و هیچ نەکەن، ناتوانن حیسابی ئەمە بە خودا بدەن. خەڵک نەفرینتان لێدەکەن. مێژوو نەفرەتتان لێدەکات. بۆیە لەگەڵ سوپاکانتان لەناو جیهانی ئیسلامیدا دەنگتان بەرز بکەنەوە. ئەگەر ئێوە سوپای مسوڵمانەکان بن، خاوەنداری لە مسوڵمانەکان بکەن، خاوەنداری لە منداڵەکانیان، لە ئافرەتەکانیان بکەن."(İLKHA)